Maea a’oa’oga a leoleo ile faafoeina o uilaafi

SHARE NOW

Ua tauaao ma le fiafia tusipasi a leoleo e toa iva sa auai ma faatautaia a latou aoaoga i le faafoeina o pasita i luga o auala ma taimi pisi.

I le maea ane o a latou aoaoga faapitoa ma faamaonia ai le pasi ma le mautinoa ua faamalieina uma vaega e ao ona silafia e le tagata e faafoeina lea foi auala o femalagaiga o le pasita.

Mai lea toa 9 e na o le tasi lava le tamaitai ae toa valu alii, ma o le auga ma le faamoemoe o nei aoaoga, o le vaai mamao lea a le Matagaluega o leoleo ma falepuipui.

Ia aulia atu le tausaga fou e faia ai le fonotaga tele a taitai o atunuu eseese o le lalolagi lea e faia mai i Samoa ae ua lava le tomai, o le silafia ma le iloa o alii ma tamaitai leoleo Samoa i le faaogaina o pasika mo le puipuina o le saogalemu o taitai o atunuu.

Na ave le faamalo a le Komesina ma le Matagaluega iai latou nei e toa iva i le filiga ua mafai ai ona faataunuuina ma le manuia a latou aoaoga.