E lata i le $23afe tala, le tupe na f a’aalu e le Amepasa o Siamani i Ueligitone Niu Sila mo le faaleleia ma le faa meafale ina o le faleaoga amata i Vaivase tai.
O lenei poloketi na auala atu i le faa-pa’aga a le aoga amata ma le Amepasa o Siamani, ma faaigoa o le “Faaleleia o le Siosiomaga e A’oa’o ai Fanau i aoga amata”.
E aofia i lea poloketi le, faama’a ina (tiles) o le Hall ma le umukuka e gasese ai mea taumafa a fanau, faatumu potu aoga i kesi ma nofoa, ma le toe faatauina lea o mea ta’alo fou, e aofia ai foi ma masini e fa’aaoga e faiaoga mo aoga (screen, projector), o fata tusi, fata e teu ai meaai, ma isi vaega taua o le faleaoga ua ma’ea faaleleia.
I le pepa o faamatalaga o loo saunoa ai le konesula a Siamani i Samoa, “O se fiafiaaga ina ua vaavaai atu ua ma’ea le galuega, aua o aoga amata o le nofoaga lea e faafailele ma amata atu ai le ola aoaoina o soo se tamaititi aoga,”
Na ia saunoa foi, “O le vaega pitosili lea ma taua ua mafai ona mautu punao’a e faatino ai aoga a le fanau, aua o le mea moni e manaomia foi e fanau laiti nei ona faaleleia vaega uma o loo faaaoga mo a latou Aoga,”
O le taeao o le aso Lulu, i le itula e 10 ua faamoemoe e faapai’a ai lenei poloketi ma faaoga loa e fanau o loo a’otauina i le aoga amata a Vaivase Tai.