Saunoa le afioga ile Palemia, Fiame Naomi Mataafa, ile sauniga e faapa’ia ai le amataga o le galuega o le Maketi fou, i Savalalo, ile vaiaso nei, ole mana’oga o le malo, ia ‘FA’AFAIGOFIE’ ma ‘TAUGOFIE’ mo le tatou atunuu.
O le maketi fou ole’a fausia, ua toe manatua ai le maketi tuai na faatamaia ile afi, ile 2016, ole nofoaga sa fai ma taula’iga o feoaiga ile taulaga o Apia.
Peita’i ole fuafuaga e fau le maketi , sa faataoto mai foi e le faigamalo talu ai a le HRPP, sa iai le fuafuaga e sii atu i tua o le fale o le TATTE building i Sogi, ma amata faagaogao ai mai tausaga ua mavae, ma afua ai le ofo atu o fanua taugofie ole malo i Falelauniu, e avatu iai aiga sa latou nofoia na fanua i Sogi.
Ae ina ua pale mai le malo fou, ale FAST, ma toe faafoi mai le maketi i le nofoaga tuai , pei ona faalauiloa ai ile vaiaso nei lona galuega amata fua ile ata e fetaui ma le vaitau ua tatou iai nei, pei ona saunoa le Palemia.
E tasi le tausaga ma le afa, le umi ole galuega, faamoemoe e oo atu ia Setema ole 2025 ua mae’a ae ono masina mulimuli ane ole tausaga e sosoo ai, 2026 lesi palota tele a le atunuu.
E $24.9 miliona tala le tau o le galuega e faatino e le Kamupani ale Zheng Construction Company Limited .
Ma faafetaia ai e le Palemia le Malo o Niu Sila i lona sao e (NZD$12.0 miliona tala Niu Sila poo le SAT$20.0 miliona tala Samoa) Ma le sao ole malo o Samoa mai le Faalapotopotoga o Eleele o Samoa, $10miliona tala.
Ole ata ma le fauga ole maketi, ua faatino lava e le Zheng construction, i lalo ole vaavaaiga ale Kamupani a Tinei Gordon & Associates, Leiataua Tom Tinai, ma Anne Milbank.
Ole faamoemoe ia oo atu ia Aukuso o le 2025 ua mae’a.
