Ole afioga i le Minisita o le Matagaluega o le soifua maloloina, Valasi Luapitofanua To’ogamaga Tafito Selesele, na saunoa aloaia ile faapa’iaina lesi laasaga i luma ole atinaeina o tagata e iai aafiaga tumau o le mafaufau, ole fanua e faatu ai lona fale.
Saunoa Valasi, ose mitamitaga ile malo le ofo atoa atu lea o le fanua mo le atinaeina o tagata e iai aafiaga tumau i le mafaufau.
Ole sauniga ile aso ananafi, pei ona saunoa Valasi, e le gata o le faailoga ai ole fanua e fau ai le fale, ae ole faavae o faamoemoega o soifua agai i luma o nei foi tagatanuu o Samoa.
Pei ona gafataulima ina ai nei e le faalapotopotoga ole Goshen Trust. Ma ose ituaiga o auaunaga e tatau ona ave iai le faataua ise taimi vave.
Ole fauina ose fale, ua ose auala e fesoasoani ai ile soifua manuia o tatou tagata.
Saunoa Valasi, ua siitia le manaoga , ia amanaia ma faaleleia soifua alu i luma o tagata e aafia mafaufau ua afua ai ona faia nei loa iai se faatatau.
Ma ia faafetaia ai le malo o Iapani, ma le faatupeina o le poloketi lea.
Ae ole faafetai foi ile malo o Samoa mo le fanua ua faatu ai le galuega, ae o tamalii o taulamua i lenei atinae, e aofia ai le Afioga a Moala Tavita Panoa, Taimalie Charlie Westerland, ma le Matagaluega o le oa faanatura ma le siosiomaga, ae ole atunuu, aiga ma uo, ae ole aufaigaluega a le Goshen Trust.
