Maea faatauto Minisita lagolago o nisi o Matagaluega

SHARE NOW

Na faatauto aloaia i le aoauli o le Aso Lulu o le vaiaso nei, faipule o le itumalo o Faleata 4 le afioga ia Ale Vena Ale e avea ma sui Minisita o le Matagaluega o Tiute ma tupe maua, o le faipule o le itumalo o Siumu le afioga ia Tu’uu Anasii Leota ua avea nei ma Sui Minisita o le Matagaluega o Leoleo ma Falepuipui ma le faipule o le itumalo o Vaa o Fonoti le afioga ia Mau’u Siaosi Puepuemai ua avea ma Minsita o le Matagaluega o Galuega Felauaiga ma Aitnae tetele.

O faipule na sa tautua uma i le itu o loo agaia le malo, peitai ua toe faasee uma mai o latou sa ma tautua ai i le itu o loo tautuaina le malo ile taimi nei le FAST ina ua manumalo i le faigapalo laititi sa faatautaia i le aso Faraile 15 o Setema 2023.

Peitai o le faatauto aloaia ai o afioga i faipule i totonu o le potu fono a le Kapeneta, o le faaee atu lea o tofiga a le malo e agavaa ma tatau i lo latou foi tulai mai ile vaega faaupufai o loo tauavea le malo ile taimi nei.

Na auai le afioga i le palemia ia Fiame Naomi Mataafa ma le kapeneta ae o auaiga o faipule e molimauina le faaee aloaia atu lea o na tofiga taua moi latou.

Na avatu faatasi ai ma lana faamalosi ae o le faamanuiaga ile amatalia ai o a latou galuega faa sui Minisita i Matagaluega ua totofi e galulue ai.