E 40 alii ma tamaitai lea ua pasi a latou su’ega faaleoleo, 21 tamaitai ma alii e 19, ma ole’a faasee atu ai nei ile faiga o latou aoaoga faamasani, mo le fa masina .
O le vaiaso nei lea na talia aloaia ai i latou o taua i luga, ise sauniga faafeiloa’i na faia ile ofisa mo a’oga a leoleo i Matautu, e ala ile ava, ose tasi o vaega e ave iai le faataua a le Matagaluega, ole agaifanua , ile faatinoga o lana auaunaga.
Pe ‘a mae’a le aoga faamasani i le 17 vaiaso o lumana’i, ona faatoa oo atu lea ile sauniga o le faauuga e avea ai ma leoleo faauuina ma faatauto, oni Constables.
Ma momoli ai le faamanuia a le Komesina o le Matagaluega, ae ona taitai sinia ile sauniga ole ava na feiloa’i ai ile faaopopoga o le aufaigaluega.
O tapenaga ia e fetaui ma taligamalo a Samoa, i le fono lona 27 a taitai o malo ole taupulega ia Oketopa 21.
