Maea le lima vaiaso o a’oa’oga Fa’a-fa’atoaga a fanau mai le Iunivesite

SHARE NOW

E lima vaiaso sa faasolo ai galuega faata’ita’i a alo ma fanau e silia ma le toa 20 mai le Iunivesite Aoao o Samoa i le Matagaluega o Faatoaga ma faiga faiva.

O fanau nei o loo ave a latou mataupu e so’otaga i le fai fa’atoaga ma faifaiva, e aofia ai ma tamaitai, o pepa mulimuli foi ia o a latou faailoga o loo tauaave nei.

I le molimau a le Matagaluega sa nafa ma le fesoasoani i alo ma fanau nei, e maea ane le 5 vaiaso o a latou toleniga faaaoaoga ua mafai e fanau nei ona ausia vaega ma taiala o faatulaga atu mo matupu nei.

Peitai i le aso 10 o le masina lava lenei na tuuina ai loa e le Matagaluega i galuega faatino e faamaea ai a latou aoaoga, e ala lea i le faia o presentation poo le faailoa lea o auala, ma tomai ua mafai ona latou ausia ina ua maea le lima vaiaso.

Na ave le faafetai a le Matagaluega o Fa’atoaga ma faiga faiva i le Iunivesite mo le fa’aauauina lea ona a’oa’o o lenei foi mataupu e tele ina manatu faatauvaa ai le toatele, peitai e tele foi se lumanai o loo aoaoina mai ai.