Na faauma e le Itumalo o Gagaemauga 2 i Savaii, le masina o Aperila e fai ai lo latou sao i le faamanatuina o le 60 tausaga ole Tutoatasi o Samoa, e ala ile lana Ulua’i seleselega na faia ile Aso Toonai na te’a nei.
O le itumalo lea o le afioga ile Faipule, Tofa Seuamuli Fasi Toma, na molimauina ai, e le gata ina faalauiloa ai fua o faaeleeleaga a le itumalo.
Ae na tufatufa ai foi ma se vaega o oloa o lana poloketi miliona tala. E aofia ai computers ma ma ‘oso to tiapula, suo tipi, piki ma agaese.
O isi oloa na mata’ina ile ulua’i seleselega a Matautu poo le itumalo lea o Gagaemauga lua, o ta’aiga lauie ma ta’aiga laufala, ae o ie Samoa, o pa moa Samoa, o le pa o meaituaolo ma manupapalagi.
E ese mai oloa masani o ulua’i seleselega, pei o koko, kapisi, ato talo, ‘ava Samoa, laufasi ma tama’i fa’I, ufi, popo, niu, fiu, taamu, ano , fiu, moli, tipolo, fala moe, kukama, mago, avoka, o oloa lalaga ma laau teufale.
O le naunautaiga o le Matagaluega o Faatoaga ma faiga faiva ia le gata e faaauau ona maua taumafa ile atunuu, ae o avea ai oe alatupe mo aiga pei ona faamanatu mai lea e le afioga I le Minisita o Faatoaga ma faiga faiva ,Laaulialemalietoa Polataivao Leuatea Fosi Schmidt.
O le agaga foi lea o le Minisita lagolago o le Matagaluega , le afioga ia Maiava Fuimaono Tito Asafo, sa momolia le faafetai I lea aso, ma le lagolagosua a le Minisita o Aoga Taaloga ma Aganuu, Seuula Ioane.
Ae ua tapena mai le Itumalo o Lefaga ma Faleaseela i lona ia foi sao i sasa o le faamatuina ole 60 o Samoa ile Aso Faraile nei, 5 o Me, ma lana uluai seleselega e faia i Matautu Lefaga.
Sosoo atu ai ma le sao o Aiga ile tai , ile Aso Toonai, i Manono
Ae aso Tofi, 11 Me le sao o Faleata lua, e faia i Vaiusu,
Ae aso Faraile 12, Aana Alofi 3 e faia I Nofoalii,
Aso Toonai 13 mo le sao o Sagaga 2 e faia i Afega,
Aso 19 Aso FAraile le uluai seleselega a Safata lua, e faia i Tafitoala,
Aso 20 Toonai: Falealili tasi, e faia i Matautu Falealili
Aso 26 Faraile le sao Faasaleleaga Savaii e faia i Si’ufaga,
Ma faai’u masina mai ai e le itumalo Vaisigano 2 e faia i Sataua Savaii ulua’i seleselega i totonu ole polokalame 60 tausaga o le tutoatasi o Samoa.
Ma molimauina ai le tau fa’i sagisagi mai o itumalo e patipatia le polokalame faagasolo ole 60 tausaga ole saolotoga o Samoa, ma toe faaauau ai foi ile uma ane ona sisi le fu’a ole lona 61 tausaga o Samoa, ile ulua’I seleselega a le itumalo o Palauli 2, e faia i Papa Puleia ile aso lua o Iuni.
O se polokalame ua le gata ina tausaga atoa o faagasolo, ae ua ia aumaia faatasi pulega a nuu ma ekalesia e lagolago i atina’e faamaite a le malo, e aofia ai ma le poloketi miliona tala, pei ona saunoa le afioga ile Palemia Fiame Naomi Mataafa, o le faamuamua e ao lea ona ave i o tatou tagata.
