Ua mavae atu ai anapo le vaega muamua faalauaitele, ole tauvaga Miss Samoa i luma maota ole malo ile eleele fou i Apia.
Ma molimauina ai le maeu ole matagofie o puletasi uma lava e 15 a tamaitai tauva, ae ole lagolago a le atunuu.
Ua faigofie ona molimauina lea laasaga ma faamasino ai le lautele pei foi ona faia ile tausaga talu ai, ina ole tuuavanoa ole pulega o tapenaga e le totogia.
Ole mataina ole siva afi a le Miss Samoa, Miss Pasefika Moemoana Schwenke lesi vaega o ia faafiafiaga na silamio iai le aumaimoa.
Peita’i o lesi vaega tele oloo faatali foi iai le atunuu, o taavale teuteuina pei ona masani ai talu ona faavae mai lenei tauvaga, o taavale e faamaepaepa mai ai le tamaitai tauva, ma taamilo ile uati agai atu i luma maota ole malo. Ua atofa ile Aso Faraile lena faamoemoe.
Peita’i ua avatu ai nei le lagolago a le Matagaluega o Tina ma Tama’ita’i, i tapenaga ole Miss Samoa mai le poloketi o atinae o itumalo, e $45,000 tala.
O se latou foi lea faamalosi ‘au ile unaia o tomai tutusa, ae ole unaia o taleni, e pine ai taumafaiga o ave iai le taataua.
Ole Aso Faraile nei le tauvaga a taavale teuteuina, ae Aso Toonai ai loa le laugatogi ole tauvaga, ma iloa ai le Miss Samoa fou, mo le 2024-2025.
