Ile taunuuga o le fono a le PLM Pacific Labor Mobility lona ono lea na usu mai i Samoa i le vaiaso nei, na auai le silia ile 150 usufono mai malo, vaega tumaoti, itu tino faalevaomalo, ma paaga mai le Pasefika, Ausetalia, Niusila, ma Timor Leste, ma tali malo ai le Malo o Samoa.
Ma o le fono fesaga’i muamua lea a le PLM i lona faavae mai ile 2021, e faatalanoa itu taua i galuega leipa faaitulagi. O le PLMAM poo le fono faaletausaga lenei o loo faavae mai lalo ole faalapotopotoga a le PACER Pacific Agreement Closer Enconomic Relation Plus, poo le sootaga tau tamaoaiga o le Pasefika.
Pei ona saunoa le faaulu o le PACER Plus, Mr Roy Lagolago: O le leileiga o le PLM lea ole avanoa e omai faatasi ai le tatou itulagi e faatalanoa mataupu ma o latou taunuuga e tatau ona iai. Ua iloa ai foi i lenei vaiaso, le aoga ma le lumanai o le PLM, aemaise o itu tau i le alualu i luma o avanoa ma ona aoga i le Pasefika.
Ae o le lagolafo foi lena a le Susuga a Pulotu Lyndon Chu Ling,Ofisa sili o le Matagaluega o Leipa, ole faaauau ona faia sootaga faapea, e aofia ai ma le unaia oni nofoaga lelei e faamautu iai tagata faigaluega, ia mautu lelei siitaga o totogi, mautu faatanaga faaletulafono Visa, ma isi.
Ua ofo mai Vanuatu, e talimalo i lesi fono ole tausaga fou a le PLMAM. O le PLMAM o loo faatupe e le malo o Ausetalia ma Niusila, ae faatino e le PACER Plus, ile ofisa o le Failautusi a le Labor Mobility.
