O lea ua maea se tasi o polokalame sa faia I aso e 2 e le au talavou a Satapuala o se aoaoga mo le Fausiaina o Tomai i Tupulaga ma Tomai o le Tautua mo Tagata Faatau.
O le aso muamua lea sa faatatau I le faiga poo le gaosia o le siapo, galuega taulima ma le lomitusi ina o elei lea na faatautaia e le au faipisinisi laiti.
Ma faasoa mai ai I nisi o tomai ma le poto masani foi e ala I aoaoga fa’apitoa aua tupulaga talavou o Satapuala.
I le taimi o sauniga na faaalia ai e le faafeagaiga le afioga ia rev Gasolo Elisara e faapea
E tele le agavaa e maua e le tamaititi mai I le aoaoga lenei mo le atinaeina o lona aiga aemaise foi I sona lava ia lumanai manuia. Aua o lea lava e I laufanua lava o le afioaga le oa ma le tamaoaiga peitai e leai se tamaoaiga e faatino ai ma o le ai na o le aso lenei lea ua maua ai ni mea totia ma le tomai e gaosi ai ni meataulima e faaaoga ai mea o loo maua I laufanua o le afioaga nei.
Na faamanuia ina ai foi le tupulaga talavou a Satapuala I le aso muamua o lenei aoaoga i Fa’aa’oa’oga mo Tomai ma Auaunaga Fa’atau na saunia e le EMD ma na faʻaauupegaina ai i tomai taua mo le atinaʻeina o le tagata lava ia.
O lea fa’amoemoe e le gata o se fa’avae mo le atina’eina o tomai ae sa fa’amalosia ma unaia ai tupulaga a Satapuala e ala i lo latou fa’amaoni, naunau e a’oa’oina ma fa’ata’atia le fa’avae mo lo latou atina’e i le lumana’i o tupulaga talavou.
Ae e le gata ai i’ineiae ia faaauau ai pea ona saili le poto, fa’aleleia atili ai taleni ma aua ne’i manatu faatauvaa iai. Faatasi ai ma le naunautai ise tapulaa i mea e mafai e a tatou tupulaga talavou ona ausia.
