O ananafi lea sa faatautaia ai le sainigalima o le miliona tala lona lua a le malo o Samoa faapea ai ma itumalo e fa ia ua atofa e saini a latou miliona tala lona 2 lea e iai le itumalo o Gagaifomauga 1, Gagaifomauga 2, Aiga I le tai, faapea ai ma le itumalo o Faleata 3 I le ofisa o le matagaluega o Tupe poo le fale tupe tutotonu o Samoa (CBS).
I le maea ai o iloiloga o ripoti suetusi a le komiti faafoe poo le steering comittee I le faaaogaina o le miliona tala muamua a nei itumalo e fa I le aso 23 o le masina nei 2024 lea ua faailoa mai ai loa le faasainiina o le maliega mo le miliona tala lona 2 faapea ai ma le faamatuuina atu o le $160,000 aua le faagaioiga ai lea o Ofisa o Fono Faavae a itumalo.
O faipule, o sui taitaifono, failautusi, ma fono faavae o itumalo uma e 4 lea sa auai atu ilea so ananafi I le faatautaia lea o lea sainigalima.
O le afioga I le minisita o tupe le afioga Lautimuia Uelese Afoa o ia lea sa fai ma fofoga o le malo e momoli le faafetai I fonofaavae nei e fa mo le lava papale ma le onosai ao faagasolo ai faationoga o le miliona muamua.
Na ia faailoa foi ia usitai taimi fuafuaina o le faagasologa o le miliona tala lona 2 ae ia mulimulitaia taiala ma faigafaavae ma ia galulue faatasi ma le matagaluega aua le manuia o atinae a itumalo o le atunuu.
