Ua sainia ai nei e Samoa ma Sigapoa se maliega aloaia , e amata ai ona galulue faatasi i auaunaga tau i femalagaiga i le ea, i Vaalele.
O le maliega lea na faamauina e le usu ga fono a le malo o taitaia e le MInisita o Galuega tetele ma malaevaalele ma Uafu a Samoa, Afioga a Olo Afoa Fiti Vaai.
Ma talimalo ai le malo Sigapoa, ile fono lona tolu, ale Sigapoa-Pacific Islands Transport Minisiters Forum, amata ai i le Aso Sa, 18 Fepuari.
Ua faamausali e lea feagaiga pei ona ta’ua e le pepa o faamatalaga mai le malo, le faapaaga a Samoa ma Sigapoa.
Ma tatala ai avanoa , e le gata ole siitia ai o tagata tafafao mai i Samoa, ae o fefaatauaiga, faatasi ai ma le fetufaa’iga o tu ma agaifanua.
Ae o le faamoemoe autu o le maliega ua saina nei, ole mafai ai ona feoa’i vaalele tuusa’o ile va o Samoa ma Sigapoa, ma siitia ai tulaga tau i pisinisi.
E lua fono o loo faatautaia lava i Sigapoa, ma auai atu iai isi vaega o le Matagaleuga a le Minisita ia Olo, e aofia ai Susuga a Fui Tupa’i Mau Simanu, MWTI Chief Executive
Officer/Secretary for Transport, Lauano Yvonne Tuioti Mariner-Viliamu, MWTI
Assistant Chief Executive Officer/Director Civil Aviation Division, Tualamaalii Wendy
Pogi, Assistant Chief Executive Officer Legal and Afioga Leiataua Isikuki Punivalu, taitaifono ole pulega o le Malaevaalele.