E le toe o tagata o le afioaga o Patamea e tae mai o latou ogapaipa, tafefea pe’a oo ina timuga ma tafefea ai, pei ona saunoa lo latou Faipule, ole Sui Palemia o Samoa, Afioga a Tuala Iosefo Ponifasio, ile AsoToonai talu ai.
Na saunoa faapitoa Tuala ile tatalaina o le vai tumaoti o Patamea, ua manuia Patamea, ae se’i saili se fesoasoani mo isi nuu o lona itumalo o loo tae foi a latou ogapaipa tafefea pe’a tetele timuga, i Samalaeulu ma Mauga.
O afioaga ia i Lealatele, ose vaega o le itumalo o Gagaemauga numera tasi, ua taumamafa ai ise vai mama mai le manava ole eleele, na faatupe i se vaega o le latou miliona tala.
Ma faafetaia ai e le Sui Palemia, le Minisita o le Poloketi Miliona a le malo, Mulipola Anarosa Ale Molioo,
Faatasi ai ma le lagolago a le Minisita o le Soifua maloloina Valasi Togamaga Tafito Selesele, i le faataua ole soifua manuia o tagata ole nuu.
O faamanuiaga ole vai eli ua taumamafa ai Patamea, i le saunoaga a le latou faipule, ole vai e puna mai le manava ole eleele, e le mana’omia ni vailaau pe faamama.
O le vai e manino, mama, e fetaui ma le soifua maloloina.
Saunoa foi le Faipule, atonu foi e iai se aso, e maua se isi fesoasoani aua le vai le o Samalaeulu ma Mauga.
O le taua o le poloketi miliona tala a le malo, i le soifua manuia o ona tagata, lea foi na saua ile saunoaga a le MInisita o gafa ma le Polketi, Mulipola, Analosa Ale Molioo “sa lilo i manatau e maua lenei faamanuiaga i lenei vaitaimi.”
O le poloketi miliona a le FAST e mo atinae o le Tamaoaiga o ona tagata.
