Ua fai paaga ai nei le Matagaluega o le EPC poo le malosiaga faa eletise ma le kamupani telefoni le Digicel.
E ala lea ile faalauiloaina lea o le latou auaunaga fou i luga o se polokalame o le telefoni e taua o le MyCash o lea faaoga lea e faatau ma totogi ia cash power poo le faatauina foi o cash power i luga o lenei polokalame.
Taua e le ofisa sili o le EPC le afioga ia Faumui Tauiliili Toimoana i faamaumauga mai le Kamupani a le Digicel e tusa ma le 80 afe ua mafai ona faaogaina lenei polokalame mo le totogiina o pili o moli, tupe faamomoli ma isi vaega ae o le 30 pasene ua mafai ona resitala.
Na ia faafetaia foi le Kamupani telefoni a le Digicel mo le lagolago ma le faigapaaga ua sainia nei aua le faaleleia atili pea o le auauga a le Matagaluega.
