Mafuaaga o aiaiga e tatala Laauli?

SHARE NOW

5 Fepuari 2025 Samoa – Ua tuu avanoa atu le afioga ile faamasino sinia ole Faamasinoga Faaitumalo, Talasa Atoa Saaga,  ile loia o tula’i mo le itu a leoleo, Afioga a Taimalelagi Leinafo, e faamae’a atu ai faamaumauga ia latou moliaga fou faasaga ia Laaulialemalietoa, ao le’i oo atu ile Aso Faraile 7 Fepuari 2025 .

 E 12 isi moliaga e aofia ai ma upu faalumaluma, e ese mai ai le fa moliaga ua faamautu atu.

Na agia ai foi ma suafa o lesi vaega na uluai molia, ile finauga a le tamaitai loia,  Taimalelagi Leinafo mo leoleo,  pei ole afioga ile faipule ia Fepuleai Faimata Sua, Li’o Fa’ataumalama Auava, Lise Schmidt, Sivai Kepi, na ave iai aiaiga e tatala ai i tua,  vagana ai Samuelu Su’a o loo taofia pea ile vaaiga a leoleo.

Finau Taimalelagi, o le leai oni aiaiga e tatala ai Laauli, e ono talosaga foi le vaega o taua i luga e faatutusa le faiga o latou.

 E ono iai se aafiaga ole faamasinoga o taatia, ma le vaai lautele a tagata fua i saunoaga a Laauli i luga o fesootaiga televave, poo le social media.

Ma le taofia o ana pepa malaga e le faalavelavea ai le faagaosologa o le faamasinoga, ia saini ile ofisa o leoleo ma taumamao mai leoleo e sootaga ile mataupu lenei.

Peita’i e lei faavaivai foi le finau atu a le loia a Laauli, Ms Muriel Lui, ua iloa uma e tagata le susuga a Laauli.

Na soifua ma nofo mai ai lava i le tatou atunuu, ose faipisinisi , ae o le taitai foi o le Vaega faaupufai tele i Samoa.

Ma ua le taofia foi e leoleo talosaga tuuina atu, e malaga ai Fepuleai ma Li’o i fafo.

 E le fetaui foi le faasa o Laauli mai le social media, ae tatau ona tapu nao le saunoa i le mataupu tau faamasinoga lea e faia nei.

Ile male isi itu e taua fesootaiga televave ia Laauli mo lana galuega, aemaise o tapenaga mo le palota tele.

Peitai ile tali mai a le tamaitai faamasino ,ua ia faaaoga ai aiaiga o le tatala i tua se ia oo atu ile Aso FAralie nei,  e faamatala le mafuaaga o lona faaaoga o aiaiga e tatala ai Laauli i tua .

O le ta o le 10 ile taeao, ua faitala ai le faitau selau o le au lagolago a le afioga ia Laauli, e toe feiloa’i ai i Mulinuu.