Maitauina ele Matagaluega o faatoaga ma faigafaiva le leai oni pemita o oloa auina mai i Atunuu mamao.

SHARE NOW

22 Ianuari, 2025 Samoa: Talu na amata mai lenei tausaga ua maitauina ele Vaega o puipuiga lautele o loo gafa ma le puipuiga tuaoi faavaomalo mai aafiaga o Samoa I faamai ma meaola faalafua I lalo o le matagaluega o faatoaga ma faigafaiva, nisi o le mamalu ole atunuu faapea ai le aufai pisinisi o loo auina mai oloa mai Amerika Samoa e aunoa ma se faia o ni Peimita ile ofisa o puipuiga mamalu lautele I Matautu.

O oloa nei e aofia ai aano manufasi ma oloa e gaosi mai ai.

Na faalia foi ele Ofisa sili o Faatoaga ma faigafaiva e ala ise pepa o faamatalaga e le gata I Peimita ae oo foi ile latou matagaluega e leo faatinoina le tuuina atu pepa faamaonia ile latou ofisa e faamaonia ai le saogalemu o ia taumafa o loo auina mai I totonu ole atunuu.

O le le usitaia ai o nei aiaiga ua tuuina atu loa ele auaunaga ma le ofisa nei oloa uma e leo iai ni peimita e lafoai ile lapisi pe ave sao ile ogaumu I Faleolo ma faatamaia ai loa.
Ma olea agai mai tua le Matagaluega ile vaega o auaunaga tau puipuiga latele mo le faamalosia o nei aiaigsa o le tulafono ma o lea galuega ua fuafua e amatalia ile masina o Mati ole tausaga lenei.

O nei galuega uma ua fuafua iai ina ia mulimulitai iai tagata o loo femalagaai ile va o motu e lua o alafua ma aiaiga aemaise ai ole puipuiga malu o Samoa mai soo se faamai e auina mai e nei oloa I totonu ole atunuu.