9 Tesema, 2024 Samoa –Ua faasolo tatala ai maketi a tina faifaatoaga a le polokalame Nofotane a le SVSG i Upolu.
O le taeao ole Aso Gafua, 9 Tesema, na molimauina mai ai ile afioga o Siumu, e muliga foi talomua a alii i maketi a le au Nofotane lea ua faasolo tatala.
I Siumu i le Aso Gafua, o Luatuanuu i le Aso Lua ma faasolo atu ai i isi itumalo ma nuu.
Peita’i ole auga pei ona saunoa le Susuga Papalii o le SVSG, ia omai faatasi ai tina ma latou auaiga, e faatau fua o faaeleeleaga.
Pe a le uma ona faatau ona faaaoga lea iai o le fale fou lea na fausia mai fesoasoani a le SVSG, e loka ai mo lesi aso,
Ae o saunoa le fai lotu o le sauniga na tatala ai le maketi ile taua o le galulue faatasi, i aso e ono ole vaiaso ae ua lava le aso e tasi e moe ai.
O Saunoa foi le tina sinia ole komiti afioaga a Filoi Toafaeono, e faafetaia le sao o le SVSG, mo le latou maketi. Ma e le gata ai ii, e taumafai ia sili atu se isi laasaga ole fale e faatau ma teu ai oloa a le aufaifaatoaga, Nofotane o Siumu. O oloa na faatau ai ile aso, o ato apiu, faaputuga a niu, isalaelu, avoka, aniani saina, popo, tautalo, koko malu, aufa’i palagi, aufa’i paka ma aufa’i Samoa,
O taeao e tatala ai le maketi o faatoaga a tina nofotane o Luatuanuu, ose auala e faatau ai lava a latou oloa ma loka ai, ma nonofo ai i tina ile nuu, e le feoa’i , ia sootaga lava ia latou fanau ma taitoalua, ae ole auga ia avea ma auala e taofia ai sauaga i tina ma fanau.
