O lo’o auai atu le Afioga a le Ao Mamalu o le Malo, Tuimalealiifano Vaaleto’a Sualauvi II ma lana Masiofo mo toe sauniga fa’alemalo o le Tupu Tamaitai o Peretania, Elisapeta II i totonu o Peretania ile Aso 19 Setema 2022.
Ua tu’uina mai le valaaulia faapitoa i fa’auluuluga uma o atunuu o Malo o Taupulega mo le auai i toe sauniga fa’apitoa mo le Tupu Tamaitai o Elisapeta II i Peretania, aso 19 Setema 2022. Ona o lea tulaga ma le avea ai o Samoa o se tasi o atunuu o Malo o Taupulega, o lea ua auai atu ai le Afioga i le Ao Mamalu o le Malo e avea ma sui o Samoa i lenei fa’amoemoe taua.
O lenei fa’amoemoe mo le sauniga fa’apitoa mo le tu’umalo ai o le Tupu Tamaitai o le a fa’atautaia i le aso Gafua, 19 Setema, 2022.
