Ua tofu ai nei le tupu ma le masiofo , o Peretania tele, ma le tootoo ma le fue lauga.
Peita’i o lea ua faaopopo atu iai male tanoa palu ‘ava.
Ina ua faamealofa atu ai e fanau ua manumalo mai sauaga o nonofo I le Campus of Hope I Tuanaimato, le tootoo ma le fue lauga mo le masiofo faatasi ai ma foliga o latou alofilima I luga ole fasi ie samasama e afio ma le masiofo i Peretania.
O le lanu samasama lea ua iloa gofie ai le Toomaga mo e Puapuagatia, I Samoa, o le lanu e uiga lasi ona faamatalaga mo le soifua ua iai le faamoemoe.
Mai le alii talavou, na molia le faafetai ile masiofo , ile amanaia o latou , ma afio atu ai e tatala lo latou faleaoga faataitai.
Lea ua faaigoa ia Queen Camilla pre school of hope.
Molimauina foi agaga fiafia ma le faafetai o le Masiofo ile meataalo, mealofa ole faatusa o le teineititi samoa, ua saoloto mai sauaga.
I le upu faamalosi mai le faafeagaiga na faapaiaina le taeao ile tatalaga o le faleaoga faataitai, “ Ia ave le faamuamua I fanau, ma tatou faia mea uma ia soifua maloloina fanau i le tuputupu a’e. faafetai i le galuega alofa mo latou, ae o le faafetai ile LDS Ekalesia Iesu Keriso ole aupaia o aso e gata ai, na galulue malosi e tapena lenei faamoemoe mo le taunuu o le masiofo, e sootaga I ana galuega fesoasoani i tagata ole lalolagi.
O le faleaoga I totonu e talaloa lava, ua faatotoga I meaaoga ma le fale taele , ae ole pito e moe malolo ai tamaiti laiti mai le pepe ile 5 tausaga le matutua, I latou e aooga.
E ese mai le faleaoga faataitai, le faleaoga mo tamaiti matutua o loo iai foi ilesi itu o le lotoa, o le faleaoga lena mo fanau mai le 6-18 tausaga le matutua.
E toatolu faiaoga o le aoga faataitai ua iai, faapena ona mautu faiaoga mo le aoga ile vaega matutua.
I le lotoa, ua faatotoga mo le tausia ai o fanau e le silia ma le selau, ae o tina ma latou fanau sulufa’i.
Peitai ile sauniga o le tatalaga o le faleaoga faataitai, le Camilla preschool of Hope, ua faamauina ai nei i tala faasolopito ole matagaluega o aoga a Samoa ae o le tatou atunuu, ma le aiga tupu o Peretania tele.
