Na taunuu mai ai ile aso ananafi se vaega o leoleo mai Fiti ma faafeiloai aloaia ai e le Matagaluega o leoleo ma le falepuipui.
O lea aumalaga o leoleo olea gafa ma le faatautaia o se mafutaga faaleaoaoaga mo leoleo Samoa o loo faaogaina uila vilivae mo le faatinoina o le galeuga faaleoleo i luga o le auala.
I le faamatalaga a le itulau a le Matagaluega o leoleo, oloo ta’ua ai o le auga ua faatino ai lenei aoga, ina ia faamasani ma faailoa i malu o le malo o Samoa o lea faaogaina lenei auala o femalagaiga o le uila vilivae mo galuega ile fonotaga a taitai o Malo e 52 o le lalolagi olea faia mai i Samoa ile tausaga fou Commonwealth.
Le saogalemu ma le faatinoina lelei o le galuega e ala ile faaogaina o uila vilivae i taimi pisi ma le manaomia o le auaunaga.
Peitai o le Komesina o le Matagaluega o leoleo le afioga ia Auapaau Logoitino Filipo na faafeiloai aloaia le aumalaga ma faafetaia foi le auai mai e faatino nei aoaoga mo se lelei o le galuega faaleoleo i Samoa.
“E muamua ona ou fa’afeiloa’i atu i le paia ma le mamalu o le tou au malaga i lenei taeao. Afifio mai, tala mai aao i Samoa, matou talia ma le fiafia le tou talaa’ao mai ma o se fiafiaga ina ua mafai ona faatunuu lenei aoga ua leva ona faatali iai”
E lima vaiaso o lenei aoaoga, ma ua iai le faamoemoe o le aumalaga lenei mai Fiti e toe tuua Samoa ile aso muamua o le Masina o Aukuso o le tausaga nei.
