Ua taofia ai nei i lalo ole vaaiga a leoleo se tama o loo tuuaia i le maliliu ai ose tama ma lona atalii ile afioaga o Fogapoa, Savaii.
O tuuaia le ua taofia e leoleo i lona faaaoga lea ose laau malosi e faaoo ai le maliu ile tama 60 ma lona alo tama 18 tausaga. Ae ile tali mai a le sui Komesina leoleo, Papalii Monalisa Keti ina ua fesiligia e le Leitio Polensia, na ia faamaonia mai ai , “ua maliliu le tama ma lona atalii ile afiafi ananafi, na tafana lava ma maliliu ai”
Na ia ta’ua foi, e faigata tele lea ituaiga o faaletonu, ua maliliu ai tagata e to’alua ise mataupu tau fanua. Ma o loo taofia ai nei i lalo o le vaaiga a leoleo le o taofia, a’o faia iai suesuega atili.
E tuliloaina pea lenei mataupu e tatou tala fou.
