Tala lata mai i leoleo i le faaiuga umi o le vaiaso o le Aso Sa o Tama: O loo faia suesuega, i le faalavelave na tupu faafuasei ile afioga o Lalomauga, i le Aso Toonai a’o lumana’i le Aso Sa o Tama.
Na maliu faafuasei ai le tama e silia ile 40 tausaga le matua.
O faamaumauga a leoleo mo le taimi nei , ina ua tatou fesiligia, ole galuega na alu i uta, sa tuu i lalo le laau, ae pa’u ifo ma taomia ai le tama ma maliu ai.
Peita’i ua taofia ai ile falemaliu ole Tupua Tamasese Meaole i Motootua le tama pei ona faamaonia mai e le afioga i le Komesina o leoleo ma Falepuipui, Auapaau Logoitino Filipo, a’o faia iai suesuega, ile mafuaaga tonu o le maliu ole tama.
