Maliu faafuase’i se alii 18 tausaga ua solo iai le oneone 

Ua aumai i leoleo i Apia tala ma faamaumauga o le faalavelave matuia lea na maliu faafuasei mai ai se alii e 18 mai Asau.
E lei maua mai se tatou tala mai le  Ofisa o leoleo i Asau peita’i ile tala mai le tatou paaaga i totonu o  Asau, ole faaletonu lea na tupu i le Aso Toonai talu ai, i le nofoaga tuai sa iai le ili.

Na o ai le aiga o le ua maliu e la’u oneone mo le galuega ole   fale, peita’i na solo ifo le oneone mai le loli ma tanumia ai le atalii.

Na mafai ona avatu faatopetope ile falemai lata ane i Sataua ae ua tuai lava ma ua maliu.

E le’o mafai  ona maua maise tala mai le ofisa o leoeo i Apia, peita’i o taua e le tatou paaga ua i lalo nei o le vaaiga a leoleo le tino maliu i Tuasivi mo suesuega ole mafuaaga tonu o le maliu ole atalii.

E momoli atu ai faamaisega ma faamafanafanga i matua ma aiga loto faavauvau,  i Asau ona ole maliu faafuasei ai ose tasi o alo ole afioaga.