O le a manatua pea le Aso Sa o Tina 2023 e auaiga, aiga ae o le Tina o le alii 20 tausaga lea na maliu faafuase’i talu se feeseeeaiga i Falefa ile Aso Sa faapitoa o Tina o Samoa.
Na saunoa le Sui Komesina o le Matagaluega o Leoleo, Susuga Papalii Monalisa Tia’I Keti ina ua tatou fesiligia: “e toalua alii ua molia ma taofia i lalo o le vaaiga a leoleo, i lo la sootaga ile maliu ole tama talavou lea sa latou inu.”
Saunoa foi Papalii, “o le to’atolu lea sa fai le latou inuga pia, pu lu (home-brewed beer) ma toe fufusa ai lava.
“Ua molia ai le to’alua, ma o loo taofia ile vaaiga a leoleo, e tula’i ile faamasinoga i le aso 5th Iuni, 2023.
Ile maitau a le pulega o le Matagaluega o leoleo, ole faatoa toe alia’e mai lea ose lipoti tau ise mataupu o loo aafia ai , pia pu lu.
