Poo lea le mamao o Alaska na maliu fa’afuase’i ai le alo o Samoa, tama’ita’i 16 tausaga ile faaiuga ole vaiaso na te’a nei, ae ua logo tiga uma ai le fia afe o Samoa i itu e fia ole lalolagi na oo atu iai faalauiloa i fesootaiga televave.
Ua faatoese ma faamalūlū ai le pule o Leoleo i Anchorage Alaska, ile tina ma uso ae ole aiga ole teine talavou, ua maliu ina ua fanaoti e leoleo.
O se otootoga mai lea faalavelave faafuase’i:
Ole faaletonu lea ole tali ane a leoleo ile valaau, pei ona molimauina e lona uso, e oo ane oloo u’u e Easter Le’afa le agaese.
Ma na usitai lava ile faatonuga a leoleo pei ona molimau lona aiga na iai, ae o lana tama’i minoi, na sosoo ai lava pulufana e tolu ma maliu ai.
E tupu lea faaletonu oloo iai lava ona tei ma ona uso ae o lona tina na la malaga atu i Tutuila mo Alaska.
Ole aso Toonai na te’a nei sa talosagaina ai le mamalu o Samoa i Alaska e auai ane ile savali filemu ile ofisa o leoleo, peita’i o lesi fa’aseā a le aiga, ole uma ane toe tau sue le falema’i ua ave iai lo latou afafine.
O se tama’ita’i e alofagia tele ile siosiomaga o lona aiga, toe loto alofa i fanau a ona uso, pei ona ta’u faalauaitele e ona uso ile Alaska News source.
Ua lipotia e leo le taimi muamua lea ua maliu ai se tagata i leoleo e tali atu i mo fesoasoani.
E momoli atu ai faamaisega ma faamafanafanaga a ATA-MUA News ile tina loto mafatia ae o ona uso ma aiga loto faavauvau, ile mafutaga ua motusia faafuase’i.
