Ole vaalele lea na pa’u i gatai o Vaitele ile aoauli o le Aso Gafua o le vaiaso nei, 27 Me 2024, na felelea’i faasolitulafono, e lei faafouina lona laisene, pe na silafia foi ele tower controll a le malaevaalele le taimi na lele ai.
I le tala mai le tatou paaga sooupu, ole ituaiga lea o vaalele e mafai ona sesee I luga ole sami male laueleele, le micro type craft.
Ua faamaonia e leo se vaalele la’upasese ile va o Amerika Samoa ma Samoa, pei ona fesiligia e le toatele.
Ae ole vaalele tafao ole Alii pailate Phil Meredith lea ua aafia atu ai ma lona soifua.
Ole tama pailate Niusila, Phil Meredith ua malolo litaea mai I Samoa ma lona faletua.
Ile molimau a le afioga a Nynette Sass, I ona vaitaimi ao galue ai ile malaevaalele I Faleolo, Ile tower e faatonutonuina vaalele,
“Tusa ole 1980, na ia toe foi mai ai I Samoa ma galue ai ile malae vaalele. Ole vaitaimi Lena sa avea ai Mr Phil Meredith ma pailate I le Polenisia, mo ni tausaga.”
I le tali mai a le Minisita o Malaevaalele , Olo Afoa Fiti Vaai ile tatou faatalanoaga, ua le faatasi ona fautuaina le tamalii lea I Lana vaa i tulaga tau i le tulafono o vaa faapea, mo le saogalemu.
“ole ituaiga lea e ta’u o le (micro-light craft), e iai taimi e faaaoga pe felelea’i ai i Mulinuu, e le na’o le pau lea ose fautuaga ua ave ile tamalii e ona le vaalele, ua fautuaina soo ele air traffic control”
“o vaa faapea e tutusa lava ma drones.
“sa logo lava iai o vaa faapea, ei lalo ifo ole 500 futu e le controlling e le tower, ae logo pea le tower i mea faapea.
“Ae o ituaiga vaalele faapea, sa tatau lava ona logo le tower nei pa’u i vanu poo le moana ae leiloa atu e se isi.
“Sa tatau foi ona iai se ualesi i ituaiga vaa ia.
“E lei faafouina foi lana laisene, ae ose tagata ua leva ona galue ile Polenisia.
“I lalo lava ole tulafono, e aafia ai mea tau aviation,o
loo taumafai e logo Niusila tauala atu i le matagaluega ole va i fafo, mose tagata faapitoa e sau e fai se suesuega o mea faapea, ona e leai se tatou tagata o iai se tomai faapea.
“O le a alu ai tupe ona o le faatamala.
O le fautuaga i tagata e faaaogina drones, e tatau ona faaeteete , tei pa’u ifo se drone i luga ole auala afaina ai se taavale poo ni soifua ,
“E tatau lava ona lesitala uma drones, ma logo le tower ole malae vaalele i le taimi e faaaoga ai, mo le saogalemu.
O le vaa lea e leai se isi na iloa, pe na alu tafao, ae pei na iai foi se faaletonu.
“O ituaiga vaalele faapea, e alu ai le tagata, e tatau ona comply i tulafono tau aviation, ae e leai se mea e faapopole ai, o loo sefe le airspace a Samoa.
“O le vaa lea e faamoemoe ile pazuki, ma e tele ina fealuai i Mulinuu, e faamoemoe ile pasuki e nate avea i luga , e sisia i luga.
“o se tama’i vaa e mafai ona sesee i luga o le sami, faamoemoe ile pasuki.
“Ole toeina o lana ia lea matafaioi ole ave vaalele, e tele lava ina nofo ma faifai lana vaa ile fale.
“O le le logoa atu o le tower ua leiloa ai e matou se mea faapea, talu e lei faatinoina e le toeina lea vaega, (ole tulafono) ua laki le pa’u ii, ae le’o le moana poo luga o mauga, mea manu e leiloa atu.
