Ua taoto ai ile falemaliu tumaoti i Savaii le tamā, 40 tausaga le matua lea na maliu mai ile afioaga o Taga ananafi.
Mai le tatou paaga i Savaii, ole taavale pikiapu na tietie ane ai lea tama, I tua, ma le uta o apa ato fale.
Ua faatutu apa e tali atu I tua e le tali uta o le pikiapu, ae tu ai le tama lea ma faalagolago i apa, ae lei saisaiina i lalo.
O le tala mai leoleo, ile latou suesuega, ole taavale na faaifo mai le aena, ma lelea ai apa I tua, o loo faalagolago mai ai le tama, lea ma pa’u ese ai ma le taavale.
Na faatopetope ane ile falemai i Tuasivi, peita’i ua maliu, ma o loo taoto ai ile falemaliu tumaoti, talu au lata ile masina talu ona le ola le aisa a le falemai tele I Tuasivi. O ta’ua e le ofisa ole falemai I Tuasivi, ua lata ile masina talu ona le ola aisa ole falemaliu o loo faatali tagata e faaleleia.
Ae ole maliu faafuasei ai ole tama lea 40 tausaga mai Taga Savaii, ae o tuua ai ona alo e toafitu ma le faletua. E momoli atu ai faamafanafanaga a tatou tala fou, ile tina loto faavauvau ma le fanau, ae o aiga.
