E 13 tausaga o le tamaitai aoga o le Kolisi o Levaula i Faleula na maliu i le falemai i Motootua i le Aso Faraile o le vaiaso na tea nei, ina ua se’e ma faatopetope atu i le Falemai ma maliu ai.
Peitai o lipotia e le Talamua ina ua fesootai atu i le sui Komesina mo se faamatalaga e sootaga i lea faalavelave, ae faateia ma faapea mai e lei oo atu se ripoti ma latou te leiloa foi se faamatalaga e faatautau i lea faalavelavae.
Ma ia auina atu ai nisi o leoleo i le falemai Motootua ma faamuina mai ai le taimi o le aso na tulai mai ai le faaletonu ma le taimi na maliu ai lenei tamaitai aoga.
O faiga masani lava o maliu faafuasei i fafo mai o le falemai e faailoa i le ofisa o leoleo ona faatali lea i se faatonuga mai le pule o maliu faafuasei pe manaomia le faia iai o se taotoga faapitoa pe leai.
O le faalavelave lea na tulai mai i le taeao o le Aso Faraile o le vaiaso ua mavae, ina ua mautinoa o le tamaitai aoga na se’e ma maliu ai.
