E le’o iloa le mafuaaga o le maliu o le tamaitai Toga lea o loo taoto ai nei ile falemaliu o le TTM e talia ai lona suesuega faaletulafono.
E lei maua atu le Susuga a Auapaau Logoitino Filipo mose faamatalaga, peita’i na talanoa ile Talamua, e le’o mautinoa pe ose feeseeseaiga faaleaiga.
Ae sa ia faamautu iai, ole tamaitai lea sa galue faavaitaimi i fafo ma fetaui ai ma le alii Samoa.
E le’o mautinoa foi pe sa faapaaga le ua maliu ma le alii, ae na uma ane lava le taimi o galuega faavaitaimi, alu le tagata i lona atunuu, ae mulimli ane mulimuli mai le tamaitai lea ile alii Samoa.
Ae ese mai ile maliu ole tamaitai Toga, lesi foi faalavelave na ta’ua e le Komesina ile Talamua, le maliu foi ose tamaitai mai Ausetalia sa tafao mai i samoa, ma faamaonia le malemo mai le taelega i Saleapaga Aleipata.
E leai se suesuega faapitoa o lena maliu, talu ua faamaonia e faamasino o maliu lilo, le malemo ole tina lea mai Ausetalia.
