O le pa’o o galuega faatino ale kamupani Asia i aso uma, ile lotoa sa iai muamua le falepuipui I Tafaigata, e le’o se mea fou, aua o aga masani na o galuega tetele.
Peita’i ole alu atu ai ma le Aso Sa ile faamalomaloa, ua sili ai loa ona leai se faaaloalogia o aiga ma tagatanuu o loo nonofo ai lea vaiaai, pei ona saunoa le Susuga a Laufou, e nofo tonu i autafa ole malomaloa lea ile Aso Sa ananafi.
Na tatou fesiligia lesi lea o aiga e lalata I galuega faatino o faia ile Aso Sa i le loto a leoleo I Tafaigata.
Ma saunoa ai le tama matua lea, ole mea na tupu, ole lotu ua tapena, ae faaauau lava ona la’u ane uta palapala a loli, mai uta ile lotoa lea o loo fau ai le aoga a leoleo, ma saati ane e tanu ai le fanua o lesi foi aiga Kerisiano i talaane o latou. E leai se afaina I aso ole vaiaso, ae ole pa’o masini ma loli uta sasaa ile taimi ua tapena i sauniga ole Sapati ole alii, na tumu ai ia ile faanoanoa tele, ile pulega ole kamupani lea Asia , ile faigaluega ile Aso Sa.
Ma ia vavao ai le toe pa’o ane o uta sasaa ile fanua, ise tasi o fanua umia saoloto lata atu I o latou siosiomaga ma le malumalu tapua’i.
O lana faafetai, ole avatu lava ole talosaga i avetaavale o tagata Kerisiano Samoa, ma latou faatalanoa le mataupu I le pulega o le konekarate, filemu ifo ai lava le toe saati atu oni uta palapala a’o tapena le tapuaiga ole taeao.
