10 Tesema, 2014 Samoa – Ua faatali ai nei le tali mai a le faamasinoga ile talosaga a le matai o le afioaga o Vaitoomuli Palauli, afiaoga a Autagavaia Upa Autagavaia.
Talu e manatu Autagavaia e le’o saoloto lana nofo i lona nuu, e ui ua avatu le faaiuga a le faamasinoga e toe foi ai i Vaitoomuli, peita’i e le’o mafai ona fealua’i ile nuu, aemaise o le vaitau o aso fiafia, e fia feiloai i ona auaiga asiasi mai, ma mafuta i ona auaiga.
Ole faaiuga a le Faamasinoga,
1: Ua talia le toe foi o Autagavaia Upa Seumanufaga ma lana fanau I le aiga ma le nuu i Vaitoomuli
2: Ua teena e faaiuga a alii ma faipule na faatula’iese ai Autagavaia Upa Semanufagai ma lana fanau.
3: O tupe na faaulu ai talosaga, ua avea ma totogi o le Faamasinoga.
Ma sainia e faamasino e toa fa, e aofia ai: Letufuga T. Ioakimo Tauiliili ole sui Peresetene, Masoe Tovia Tufuga, (Faamasino), Afemaleta Alesana Lafi (Faamasino), ma le faamasino ia Tuilagi Saipele Esera.
Na taua e le tofa a Autagavaia, na mafua ona faamasino ma le latou nuu ina ua ia fesiligia tupe o le fono faavae.
