E silia i le afa miliona le faatupega a le malo o Iapani , ile toe siitia lea ole faleaoga tulaga lua i Samalaeulu i Savaii.
Ma patipatia ai le mae’a o le galuega i le Aso Faraile 17 Iuni.
O le lagolago masani lea a le malo o Iapani ile atinaeina o aoga i tua, mo le siitia o tulaga tau aoaoga i Samoa. Ile sauniga faapitoa e tauaao aloaia atu ai e le malo o Iapani le faleaoga ua ma’ea ona toe faatoatoa lona saogalemu ma lelei mo fanau a Samalaeulu.
Na molimauina e le faipule o le itumalo, o le Sui Palemia, afioga Tuala Iosefo Ponifasio, ma le Minsita o le Matagaluega o Aoga, Afioga Seuula Ioane.
