E iai uiga o isi aiga Samoa i Niusila, e vaetama atu tamaiti , ona avatu lea faapologa ma le amana’ia.
O lesi lena mafuaaga o le toe mataitu ai e le Matagaleuga o Faamasinoga o ana suiga ile Talosaga o le Vaetama faasolitulafonoina ose tamaititi atu i Samoa mo aiga i fafo.
O le mataupu lea o loo talanoa ai le Peresetene o le Sosaiete Loia a Samoa, Alex Su’a i luga o le TAlamua, i atugaluega o Faamasino o le Faamasinoga Faaitumalo, ile auala ma le faasologa o faatino ai vaetama, ma le faamaoniga.
Na ia saunoa, e iai mataupu i aiga i Niusila, e sootaga i le vaetama atu o tamaiti, ae avatu sauaina ma le amanaia.
Na ta’ua e le susuga Su’a i lea lipoti, e le’o iate ia se agatonu e auiliili mai ai suiga, ae o lesa lea o mataupu na laga i le latou feiloaiga i le vaiaso ua tuanai ile va o le Faamasinoga ma le Sosaieta a Loia.
Na ia ta’ua foi atonu e le fou lea mataupu lea, ae ua aofia ai nei ile talosaga mo le vaetama, le lipoti a leoleo poo faamaumauga o matua o loo vaetama atu iai se tamaititi. E le’i iai na manaoga ile taimi muamua.
Ole vaetama i le manatu o le ali loia, e mo le tamaititi ia maua se olaga sili atu, ae ole faanoanoaga e iai tagata o loo latou faaaogaina mo isi faamoemoe.
Ae o le faamuamua a le Faamasinoga, ole tulaga sili mo le tamaititi, ma saogalemu i lona siosiomaga fou.
