E faitau aso ma masina o lea toe faaleleia ai e nisi o aiga o le afioaga o Saipipi na faaleaga o latou laufanua ma maota ile lologa ma timuga ile vaiaso ua mavae.
Maitauina e le tatou leitio Polenisia sa malaga atu i Savaii ma mataitu ai vaega na matuai faaleaga laufanua ua mavaevae ae o faleoloa ma maota o aiga ua faaleagaina ma ua iai ile tulaga e le mafai ona toe faaaaogaina.
Peitai o le ala lea o le lagona ai o le siufofoga o le leo o faipule o le itumalo o Fa’asaleleaga numera 4 le afioga ia Tea To’oala Peato.
I totonu o le Palemene ile aso ananafi ma agatonu ai lana talosaga ile minisita o Tina ma Tamaitai le afioga ia Leota Laki Lamositele.
E faamatuu mai loa le vaega o loo totoe a lona itumalo o le poloketi 1miliona sei fesoasoani ai i lona itumalo e faaleleia ai auala o faletalimalo ma aiga na faaleaga a latou nofoaga ile lologa.
Peitai ua maea ona saunoa le Minisita le afioga ia Leota Laki Lamositele ua iai le faamoemoe o le Mataguega o Tina ma Tamaitia, Atinae o Afioaga ma Agafesootai olea faamatuu uma vaega o tupe o le poloketi 1miliona a itumalo o loo totoe ile faaiuga o le masina nei.
