O loo talotalo aiga e le’i oo iai le suavai, ia fesoasoani atu le miliona tala, o tufa nei i itumalo, e maua ai ni o latou paipa, e ola faasoloatoa.
E iai aiga i le motu tele e oo mai nei, o loo savavali lava i isi aiga e aisi mai ai ni suavai i o latou paipa, poo le savali foi tusa ole afa itula e faaaoga vaipuna e maua fua.
O lesi o aiga na tatou oo atu iai, e tasi le tagata faigaluega, lima le fanau, ae o le totogi $100 o le tagata lea e alu i meaaoga ale fanau, mea faalelotu, mea faalenuu, mea a faakomiti, faalavelave o aiga, pili o le uila, ma isi manaoga faapitoa o aso uma, pei o sapalai o faletaele tulou.
Ma oo mai ai nei lava, e leai lava se paipa, e mafai ona gafatia vagana le tama’i tanevai na maua atu i tufaga tane o mealofa mai fafo, ole lima tausaga talu ai, o loo talitali ai vaitimu e faaoga ile faleui
Peita’i ole aso’ lea e tufa ai le tai miliona tala lona lua ale tele o itumalo i Savaii, ma sina vaega o itumalo i Upolu,
Ma saunoa ai le Minisita o gafa ma le puleaina o le miliona, Mulipola Analosa Ale Molioo, ole aoga lea o le miliona:
“Ia faaitiitia le mativa ma le le tagolima Ia faaleleia le soifua maloloina mo le lautele
Ia lelei aoaoga Ia faaaupegaina tagata i avanoa mo le soifua maloloina Ia unaia atinae i totonu o nuu ma afioaga e pei o faatoaga, faiga faiva ma faasao, atinae o tagata tafafao mai fafo faapea atinae o pisinisi laiti.
Ua maitauina ile miliona muamua na tufa, e le’i oo lava ni faamanuiaga i aiga sili ona lima vaivai ma mana’omia fesoasoani , e ui ina sa palota na aiga e lagolago le faigamalo fou o loo tula’i mai nei, mose suiga ole soifuaga o aso uma, o loo pese mai ai le Minisita o tina ma tamaitai.
O le ‘alofaga o sui o komiti ma pulega o le miliona i itumalo, pei ona maitauina, ona faapea seiloga e talosaga atu ini fesoasoani ona , vaai lea pe agavaa.
O lesi alofaga o komiti, ona faapea e le faia ni paipa ile miliona, e o lava aiga latou e fai o latou paipa. Peita’i o ta’ua e le matai o le aiga lea, (o tatou taofia le suafa mo le puipuiga ole upuia) e silia ile afe tala le tau o ogapaipa, faatoa lalata le suavai i lo latou fale, talu e mamao tele latou ma ogapaipa autu a le malo.
O talosia ai e le tama lea e maua so latou paipa ile miliona lona lua a le latou itumalo, ia mafai ai ona momoe lana fanau mani vae mama ile po, pe taeele foi ile taeao, a’o lei usu ile aoga, ae ole siosiomaga pei ole tausiga o le falemamao i tulaga tau ile soifua maloloina.
E 22 itumalo lea e maua ile aso a latou ta’i miliona lona lua.
