O loo mana’omia lava e le matagaluega o leoleo ni tagata e fesoasoani ile matagaluega i le taimi o le fono tele a taitai o malo ole tauplega ia Oketopa.
Ua su’e ai nei ni lima fesoasoani, mo lena taimi, mo tagata e fia tautua ile atunuu, pei ona taua e le faalauiloa faalauaitele a le Matagaluega o leoleo.
O tagata fesoasoani e ao ona 21 i luga le matua ae le sili atu male 55 tausaga. Ia iloa le gagana faaperetania ma le faasamoa, tautala ma le tusitusi, ose tagatanuu Samoa, malosi le tino, e mafai ona auai i faamalositino mo le faamoemoe, ma ia mafai ona nofo tasi ile taimi o le taligamalo, mama le lipoti o leoleo, ia faamaoni ma faatuatuaina.
E faatino galuega pei o le vaaiga o api o malo, ma leoleo pei ona faatonuina, ma fesoasoani i leoleo ile faatinoga o latou galuega ma tiute fai.
Ole avanoa ua tatala mo tusi talosaga, ma le kopi o le pepa fanau, ma sou ata, poo se kopi ole tusifolau pe a iai, e tapunia ia avanoa i le aso 17 o le masina nei, mo tagata faatoa talosaga.
