Mana’omia ona togafiti  le pipisi o Fualaau faasaina

SHARE NOW

Ua viia ai e le Faamasino o le Faamasinoga Maualuga a Samoa, Justice Vui Clarene Nelson le laasaga ua faia e le malo o Amerika Samoa, faasaga ile faaititia o aafiaga mai fualaau faasaina.

O le Manaoga foi lea ua faaleo mai e le afioga ile faamasino, Justice Nelson mo le malo o Samoa, e tofia sana task force poo itutino galue i faafitauli o fualaau faasaina ile tatou atunuu, pei ona faia e le malo i Sasa’e.

Saunoa Justice Nelson ile faatalanoaga male Leitio Polenisia ile lelei tele o le laasaga ua faia e Amerika Samoa.

Ae i lana ia foi ituvai ile pito a le Faamasinoga, o loo tu mai i tua atu o falavelave tutupu, ole taunuuga o le faatinoga o le solitulafono. E oo ane i le taimi e oo atu ai se mataupu ile latou ituvai, e masani ai lava ua , tuai.

Ole vaiaso talu ai na tofia ai e Amerika Samoa lana fono faatonu e toa 20 totino, e faagaioina auala ma se faiga e tetee atu ai fualaau faasaina, e ala atu i aoaoga, o tulafono ma auala e togafitia ai.

Ole mataupu lea na talanoaina e le faigamalo o iai nei a Lemanu Peleti Mauga, ma ia saunoa, o le taua o faia nei faasaga i fualaau faasaina, e lamatia ai tatou aganuu, ole atunuu, ma fanau.

Ua talosagaina ai le galulue ale fono ua tofia, e faatino manaoga taua, e puipuia mai ola ma faaititia aafiaga matuia o fualaau faasaina i totonu o aiga ma nuu.

Ua faitau tausaga o sosolo faa faama’i Amerika Samoa le faaaoga sese o fualaau faasaina, aemaise lava i le aisa, poo le Methaphetamines. Ae ao lava foi ona iai le faato’ato’a  le sailiga ole togafiti ile faaletonu.

Ae o saunoa le afioga i le faamasino, Justice Nelson o Samoa, ua silia i le 20 tausaga o galue ile Matagaleuga o Faamasinoga, O le auala e maua ai se fofo, e ao lava ona taula’i iai le silasila a Mataglauega  pei o le Faamasinoga, ma Leoleo.

E tatau i alii talavou o aafia ile faaletonu, ona saili nisi auala e maua ai tupe, nai lo le faaletonu o molimauina.

Ma ua tatau ai lava ona faatula’i mai se faiga faasaga ile faafitauli lea o fualaau faasaina i Samoa.

Taimi nei, o le afioga Justice Nelson, o le Faamasino muamua o le Pasefika, ua tofia i le Komiti a malo aufaatasi, mo le Aia tatau a le tamaititi.

O ia foi na taulamua i le e una’ia le tulafono , e lesitala ai tagata faamaonia soligatulafono tau feusuaiga, Sex Offender Registry Act 2018. Ma sa agia lava foi lona tetee i le sasa faatonu o le tamaititi, ile uma ane ona aveese ile 2013.

 Ole masina o Fepuari o le tausaga nei, 2022, e fa osofaiga a leoleo na maua ane ai ituaiga o fualaau faasaina, methamphetamine, i totonu o Samoa..