Manatua Viliamu Mafo’e i ana faamaufaailoga

SHARE NOW

Ua tuua ai le malo e le Susuga i le Aposetolo Viliamu Mafo’e, ae o le’a manatua pea o ia i tala faasolopito o Samoa ma atunuu ole lalolagi na oo ma pa’i atu iai le malosi o lona talitonuga faakerisiano.

Ma faamaufaailoga ua ia tuu i loto o ana tagata lotu, ae o le atunuu, pei ona molimauina ai le malumalu sili ona tele a le Worship Center ile taulaga i Apia, i tafaala ole agai atu ile Malae o Upufai a Samoa, i Tiafau Mulinuu.

Ua faamauina foi le Susuga ile Aposetolo i le tele o soifua ua sui ma faaolaina i ana lauga ma talaiga, ae o lona sao ile faanofoilemuina ma le tuu ititia o sauaga i totonu o aiga, e ala ile upu folafola na ia lauga i totonu o maota o ma laoa, tauala atu , i le leitio ole Uaga o faamanuiaga, ma le Kingdom televise, ae o le aoga faamisionare.

Maitauina le lanu eseese o atina’e sa ia fesoasoani ai i soifua o tagata ile tatou atunuu, e aofia ai le tuua o le malo, ae ua mautu le maota tapua’i tele e ofi ai le tusa o le tolu afe tagata lotu. I faamaumauga ua atoa tonu ai ile masina lenei le tausaga talu ona faaulufale.

O le atina’e lotu lea na amata mai potu o fale ile taulaga, ma faasolo ina tupu ma faia ai tapuaiga i le Apia Paka, sa tupu atili ma fasolo atu ai ile faletaalo oi le Paka i Tuanaimato.

Le susuga ia Aposetolo Viliamu Mafoe sa ia faavae maia le Ekalesia Worship Center ile tausaga e 1997, ma sa avea foi o ia ma faatonu o le Tupulaga mo Keriso.

Ole amataga o le vaiaso na tuumalo ai le Susuga i le Aposetolo Viliamu Mafoe, ile 66 ai o tausaga o lona soifua, ae tuua le faletua ia Lavina ma le nofo a alo.

O le polokalame o ona toe sauniga ia tatou tala o mulimuli mai, ae momoli atu ai ma faamaisega i aiga na lua, ma le nofo a alo, ae o le ekalesia faavauvau.