Tala lata mai ile aufaigaluega faavaitaimi a Samoa i Ausetalia, e to’a tolu fanau ō loo I le falema’i uma ile taimi na tuufaatasia ai tatou tala nei.
Ole tala mai le tatou sooupu i Ausetalia, ua molia ai nei e leoleo a Ausetalia, lesi alii i lona faaooman’u tuga, faaaoga ai le aupega mata’utia ole agaese. Ma afua ai ona avatu i le falema’i lea ua ma’ua tigaina.
Ole alii lava lea ua molia na uma ona ia faaaoga le aga ese i le isi, ae faasaga ane faaaoga le fagu ile tasi, ma avatu ai foi ile falema’i.
Molimauina o loo i ai foi manūaga ō lē na amataina le fusuaga. O latou uma nei o le a tula’i I le faamasinoga i le aso gafua, peitai o se tasi o latou, ua taofia i le fale puipui o leoleo i Kuiniselani, e faatali ai le faamasinoga i le Aso Gafua.
O nei feeseeseaiga, o loo tuuaia e mafua mai le Ãva malosi ma le faaogaina o fualaau faasaina. O atugaluga o le tatou sooupu i Ausetalia, talu, e le gata ua ta’uvalea Samoa i Ausetalia, ae o Samoa, ma le polokalame.
Ma ia talosia ai e fili lelei atu ni tagata ele ulaula ma le tagofia le avamalosi, ae o fualaau faasaina pe’a avatu se isi suiga fou o tagata faigaluega o le agai ile lumana’i.
“Ua matuã faateteleina le faaletonu o amio a nisi o i latou nã omai i galuega faavaitaimi. Ta’uvalea matou Samoa ii ne’i, ta’u leagaina le polokalama.
Talosia i nei au malaga ia filifili lelei, ãua nei toe aumaia le au inu ava, ulaula, ma fai fualaau faasaina.” Talu o faafitauli lava nei, o loo feagai ai ma latou, e le gata o le pulega ae o aiga ma aulotu, ma falefaigaluega, ile tau fofoina o amioaga ale aufaigaluega o loo avatu i Samoa.
