E ui i le silia ma le toa 100 na tusi talosaga i le avanoa o aoaoga faapitoa mo suesuega faasaienisi, ae sa faamanuiaina ai lava le tasi o alo o Samoa le susuga ia Masuisuialemalietoa Dr Seeseei Molimau Samasoni.
Na faasalalau faalauaitele mai i le pepa o faamatalaga le faaiuina ma le manuia o taumafaiga a Dr Seeseei, o ia foi o se Ofisa Sili Sinia o le nofoaga autu o suesuega faasaienisi a Samoa le SROS.
Peitai mai lea toa 160 na tusitalosaga e na o le toa 20 tamaitia sa filifili mai ai e aofia ai ma le tamaitai Samoa lea.
I le pepa lava lea o faamatalaga o loo faailoa mai ai o nei avanoa tau aoaoaoga e faapito augafa lea moi latou o loo iai le tomai pe o loo galulue foi i suesuega faasaienisi i lalo o mataupu tau faatoaga.
O se fiafiaga ia Masuisuialemalietoa ina ua iu ma le manuia lana tausinioga i lenei foi tausaga, e le gata o ia o se sui mo Samoa ae o lona aiga foi.
Na ave foi le faafetai ma faamanuiaga a le ofisa o suesuega i Samoa o loo galue ai lenei tamaitai, i le loto atunuu ua tau au lau o lona faamoemoe.
