E leo tuua i lalo e le au siisii uamea mamafai le fu’a o Samoa, ina ua maua e le alii ia Nevo le uluai pine auro mo le siisii uamea mamafa i le itupa o alii, i le vaega 67 kilokalama e mamafa, ae faoa e le alii talavou o John Tafi le isi foi pine auro mo Samoa, i le vaega o le 73 kilokalama le mamafa.
O lea tulaga e le gata ina faafiafiaina ai le atunuu ae o loo atagia ai ii le agai pea i luma o le taumafai a alo ma fanau nei i lea foi faagatama.
O ata vaaia ia i le taamilosaga i Manukau ma o se fiafiaga sili i le Faletupe mo Tagatanuu o Samoa, le National Bank of Samoa, oloo lagolagoina malosi le masii atu a le tatou ausiisii uamea mamafa i Niu Sila e saili ai se avanoa e saofaga ai i le faatulagana o au e sao atu i le Olimipeka 2024 a le Oceania ma le Olimipeka o le tausaga nei.
Ua faafetaia e le alii o Nevo ma John le faiaoga ulu le susuga ia Tuaopepe Jerry Wallwork, o lona aiga a siisii uamea mamafa, o ona aiga ma uo atoa ai ma le atunuu i talosaga ma le tapuaiga.
O Manukau i Niu Sila, oloo faagasolo ai lea faamoemoe.
