Ua toe taliu mai ma le manumalo le au Malafoni poo le vaega tamomoe a Samoa, sa auai ile tuuga na faia i Amerika Samoa ile vaiaso talu ai.
Ole tuuga lea ua faatu ai ese tama matua mai Amerika e silia i le 70 tausaga le matua i faamaumauga o tala faasolopito o tamoega poo Malafoni ile lalolagi. o ia se tagata muamua ua oo ile 200 ai ia Amerika Samoa atunuu ole lalolagi ua tamoe ai i lea taaloga.
Peita’i ole tamoe’ga lea na mua ai ile vaega o tama le alii tamo’e mai Samoa tutoatasi, ia Darren Young, ile 26 maila e fa itula ae taunuu ile tini.
Ole tamaitai mai Thailand ole vaega o tamaitai e lima itula. O le tamoega lea i le motu o Tutuila na tosina mai ai tagata o lea foi faaga tama, mai Iapani, Amerika i Matu ma Europa,
I se faamatalaga faalauaitele mai le faatonu ole Vaega o tapenaga ole Malafoni i Tutuila, Paula Stevenson McDonald, ose fiafiaga i le latou foi pito laau, ua fai so latou sao ile faataunuuina ole tala faasolopito o le Marafoni mo Dr Brent Weigner, ose tagata muamua ile lalolagi ma oo ile 200 o atunuu e tamoe ai, ma faataunuu mai i Amerika Samoa.
Ae o saunoa le alii siamupini, o le Ironman mai Samoa i sisifo, Darren Young ile tatou faatalanoaga, sa ia faitau i talaaga o le tama lea ua silia i le 70 tausaga le matua ma ana mata’tia faatu.
Peita’i ole tamoega i lea taeao i le motu o Tutuila na fai lava si faigata ona o le vevela ina ua oso ane le la, tuu atu iai ma le salalau ane o le manogi kesi o taavale, o ta’ifau taaloa sa na’o le feei ou ane ile au tamomoe, ae leai seisi na afaina ai. Ole au a Samoa na’o le toalua, na mafai ona saofia, ae le’i maua visa o isi. Peita’i na tamo’e foi le tamaitai pule ole au Triathlon a Samoa, le Susuga Lani Wendt Young ile afa ole tuuga 13maila ma sa maua foi lana pine.
Saunoa foi Mr Young ua silia i le 10 tausaga ele’o toe tamo’e ise Malafoni, ua faataatia lava le malafoni ae taalo i Triathalon, e aofia ai le Viliina o le uila, Feausi ma le tamoe.
Ae o le faamoemoe ile taimi nei ole koleniina lea ole au a Samoa i taaloga ole Pasefika i Solomona ia Novema 2023, lea oloo taula’i iai lana vaai, e ui ina ua faaititia ifo le taimi o lena taaloga i le na’o le afa itula, lona uiga soo se isi lava e le’i koleni e mafai ona taalo ai.
Faatusa ile tuuga malafoni atoa muamua lea na faia i Amerika Samoa, mo le 26.1maila, na tamomo’e ai le tusa o ole 20 e ese mai le 40 na tamomoe ile afa malafoni.
Ae ua tapena ai foi le Ironman a Samoa, mo Triathlon , le tuufaatasiga o taaloga e tolu, vili uila, feausi ma le tamoe, o le suega o le siamupini a le lalolagi, e faia i Kona Hawaii, ile tausaga fou. Ua agavaa iai Darren Young mai Samoa.
Na ia ta’ua foi, o lana ia lea malologa mai galuega ole pisinisi, pe a oo ina alu i tamoega faapea, faapei foi ona maua ai se taimi ile la vaiaso e asia ai le motu tuaoi o Tutuila ma ose faasiligamalosi foi mo ia. Ma ia faafetaia ai le pulega o le Malafoni i Amerika Samoa, Ms Paula Stevenson Mcdonald ile talimalo lelei.
