Manumalo Knights o Vaitele fou le ipu o le taamilosaga volipolo i NZ

SHARE NOW

Ua maitauina lava le agai pea i luga o tulaga o tama ma alo fanau a Samoa ile itu tau taaloga, pei ona iai le faaiuga o le vaiaso lea na faia ai se solo a le afioaga o Vaitele fou i totonu lava o le afioaga.

Ina ua sola mai le latou au voli ile itupa o alii le Knights ma le manumalo o le tuavaga lea na faia i Niusila I se tatou faatalanoaga ma se tasi o tama taalo ma ile au a le Knights, e lei finagalo e faailoa lona suafa,na ia faamatala e tolu seti na latou manumalo mai ai ile au a Niusila o le Titan i le na o le lua seti.

Na ia saunoa foi sa lei mafaufauina lava o le latou au na manumalo,e toa 10 i latou na auai ile au ma o tama fanau lava a le afioaga, oloo taitaia e le sususga ile Epikopo ia Nifae Magaele. Ole Knights o se kalapu na faavaeina e se aiga i Vaitele-fou, oloo faiaoga ai le tamā, ae oloo taaalo ai foi ma ona alo e toatolu.

I le faigamalaga a le Knights, ole tausaga ua mavae na ia savali ese ai ma le manumalo ole tauvaga voli polo ile taimi ole Teuila ia Setema (The Mosooi National Championship).

Ole masina na sosoo ai na manumalo ai ile au mai Tutuila.

Na tulaga fa ile tauvaga voli polo sa faia i Samoa (Samoa National league).

A’o lalata mai ai taaloga a le Pasefika ile masina o Novema ole tausaga nei, oloo tulimataia e le Knights ma le faamoemoe e tatau ona iai nisi o ana tama fanau e filifilia ai mo Solomona.

Na o latou faafetaia le Atua aemaise aiga ma uo ile lagolagosua a’o alofaiva mo e faagatama.