Olea faaosofia atili le fiafia o le au tapuai e toe lagolago le taaloga lona lua a tamaitai U16 ile Aso Tofi o le vaiaso nei, talu le mataina o le latou taaloga muamua ma PNG na le’i taua’i i ‘ai e 11 a Samoa i le amataga o le vaiaso nei.
O se taaloga mataina ma le finau le taaloga lenei pe a faatusa atu i ‘ai o lenei taaloga, e ui na taummafai pea PNG mo so latou ‘ai.
Ma o loo atagia mai ai le malosi ma le malu tele o le puipuiga a le au a tamaitai Samoa ma le mafai ai ona sao atu le polo a PNG i totonu o le latou mama.
Peitai o le Aso Tofi o le vaiaso nei ua faatulaga mai ai le au a Amerika Samoa o lea fetaui ma le au a tamaitai Samoa
E toa 4 tamaitai Samoa lava ia o loo mafai ona auai ma taaalo i totonu o le au lenei.
O taaloga uma nei o loo faatinoina lea i le Ngahue Reserve Field 1 i Aukilani Niusila, ma e faamaea lea taamilosaga i le Aso 20 o le masina nei.
Faamalo i matua, ae o tina ma tama matutua na mafai ona auai e lagolago ma molimauina taaloga a le fanau i le amataga o le vaiaso nei.
