Mai le malae soka faaleva o malo i Tuanaimato, na manumalo ai le ausoka a tamaitai Niusila ile au a Toga, ile 3-0.
O le Ferns a Niusila ua faafa ona fai ma sui o le Oceania i taaloga Olimipeka, ma sa molimauina le malosi mai ole au Toga ananafi ile la taaloga muamua ma Niusila, ae lei faavaivai ai foi Niusila e puipui o lana siamupini ma sikoa ai, Grace Jale i totonu o le lua minute muamua ole taaloga ile faatamala o le puipuia a Toga, ae sosoo atu ai ma lesi sikoa mai ia Ally Green , ma le sikoa lona lua a Jale ae faatoa 16 minute ole taaloga, ma tatao ai lava le puipui malosi a le Fern se ia oo lava ina uma le taimi. Ma manumalo ai Niusila 3-0 a Toga.
O lesi taaloga amata na mata’ina ile au a Fiti ma Amerika Samoa, ile malae Numera lua, e ui ise tutu’a’ai mai a tamaitai o Amerika Samoa peita’i na lelei lava foi le faato’ato’a a Fiti ma manumalo ai Fiti, 10-0.
I le taaloga amata a Samoa ma Vanuatu, na mataina le mata’alia o le puipui a le Goalkeeper, a Samoa, Xeyana Salanoa, lesi tamaitai ole auso toatolu lea e taaalo ile aufili a Samoa.
Molimauina le tele o avanoa sikoa peitai sa taufa’i malolosi lava le puipuia a au e lua, ma toe maua ai lava le ‘ai o Samoa ile kiki a Leah Manuleleua ma manumalo ai, 1-0 a Vanuatu.
I le taaloga a Solomona ma PNG, na tutusa 1-1. O Solomona lea sa siamupini i taaloga soka, ile taimi o Taaloga a le Pasefika ile tausaga talu ai.
Molimauina le omai tapena lava o ‘au ile vevela o Samoa, e aofia ai ma le Fern a Niusila lea ua faafa ona fai a sui ole Oceania i le Olimipeka, talu mai le 2008. O le 2012 i Olimpeka i Lonetona na o ai foi Niusila ma o ile quater-finals.
O loo faamauina pea le faiaina a Fiti ia Niusila ile sailiga foi ose au a le Oceania na faia i New Caledonia ile 2020, peita’i e le’o faavaivai mai le Kula a Fiti ile toe tatao lava o sona ia foi avanoa, faatusa i lona tulaga lelei o iai i au mai atumotu, peita’i e tatau lava ona taaalo ma Papua Niukiini ma Solomona i taaloga pulu o faagasolo ai nei.
O faaauau ai taaloga soka i le aso i le malae i Tuana’imato.
