E manatua pea e le Asosi o Tusitala o Samoa, le lima fesoasoani mai a le malo o Ausetalia, aemaise lava ile atinaeina o ofisa faasalalau ile pasefika i aga faatemokalasi.
O le aso faamanatu falaevaomalo lenei mo tusitala ma le au faasalaau i le lalolagi, 3 o Me, Peita’i ua agia mai ai le faamanuiaga a le malo o Ausetalia, mo tusitala o Samoa, ma faamanatu mai ai lesi foi ana fesoasoani tele ile faamauina lea mo le taimi muamua ose Tusi e lima taitaina ai le au faasalalau i taualumaga a le Palemene o Samoa.
O lena tusi ta’iala na fai sao iai le pulega o le fono ma taitai ole Asosi o Tusitala Samoa i lona faavaeina ma faalaluiloa faaauaitele ai ile masina o Ianuari 2023.
O le isi pine faamau lena o le faapaaga a le malo o Ausetalia ma le Palemene o Samoa, ae o le Asosi o tusitala a Samoa, JAWS, ua afua ai le mitamitaga o le malo o Ausetalia, ile avanoa ua latou fesoasoani mai ai, e atinae le faasalalauina i itu talafeagai ai o taualumaga a le palemene a Samoa, e ona tusitala.
E talitonu le malo o Ausetalia ile saolotoga o tusitala, mo se faigamalo faatemokalasi saogalemu, ma ole a faaauau ai pea ona latou galulue e puipuia le saolotoga o le au faasalalau, e le gata I Samoa nei ae o fafo atu. Ma faamanuia ai ile aso faapitoa mo le au tusitala ma le au faasalalau ile tatou atunuu.
