Ua faamalolo le tumau ai nei le tasi o alii faigaluega ale Matagaluega o Galuega , Felauaiga ma Galuega Tetele a le malo. O lea alii faigaluega, sa galue ai i totonu ole vaega e asiasia fale, o se Building Inspector a le Matagaleuga.
Ua lua ai nei vaiaso talu ona faamalolo le alii ofisa ina ua ua iai ni molimau ma faasea na taunuu atu i le matagaleuga o tuuaia ai lea foi tagata faigaluega a le malo ini auala faasolitulafono.
Ole amataga o le vaiaso lea foi na avatu ai i tatou tala le faamuta ai ole konekarate a le sa avea ma ofisa sili ole matagaluega, Magele Hoe Viali.
Peita’i o lea foi ua faamalolo mai lesi alii ofisa ma tatou fesiligia le afioga i le Minsita o le matagaluega, Olo Afoa Fiti Vaai, i le faamalolo ai foi o lea tagata ofisa o lana matagaluega.
Saunoa Olo, ua lua ai lenei o vaiaso talu ona faamalolo le tumau le sa avea ma tagata asiasi fale, building inspector. Ae o loo faia iai suesuega a le matagaluega .
Peita’i i tatou sailiga, o loo maua ai molimau a le aiga e ana le talosaga mose pemita ole fale, lo latou togitogi lea ose tupe e faitau afe tala, ile tusi tupe a le alii asiasi fale a le matagaluega.
Ae iloa ane, ole tau ole pemita o le fale e na’o le $300 tala.
O loo faia ai nei se suesuega faale lotoifale a le matagaluega o galuega, ae faamalolo le tumau le alii ofisa. O maitauina o tagata faigaluega a le malo, a faamaonia se solitulafono, e faasala tupe ile afe tala ma isi aiaiga fua ile solitulafono ua faamaonia.
