Ua o’o i leoleo le sailiga o tupe e tusa ma le $100afe tala a le kamupani o le Interlink Samoa ltd.
O le kamupani lea e nate faataua credit telefoni a le tasi o kamupani telefoni i le atunuu. Ole mataupu lea na faaulu ane ile ofisa o leoleo i Faleata, peita’i o ta’ua e le Komesina lagolago o le Matagaluega o leoleo, Auapaau Logoitino Filipo, ile Leitio Polenisia, ole faasea na faaulu ane i le ofisa o leoleo o Faleata. Ae faasee ane ai ile Ofisa suesue o Soligatulafono, a’o lei uma le vaiaso na te’a nei.
Peita’i o loo iai masaloga ole pule o le Kampani, ose faaletonu lava mai i totonu. Talu o le faatupulaia o tupe gaoia ua maitauina le tupu ai ise taimi. Ma o loo faaauau pea iai suesuega.
O le Interlink Samoa, e tufatufaina credit, ua iai le agavaa, ile maketiina o le auaunaga, i cards ma direct top up.
E aofia ai le sailia, faasaini, faamasani o sub distributor ma sootaga e faatau ai , ma na faavae mai ile tausaga e 2007, e fai ma sootaga ile va ma le kamupani Niusila le Oceanic Holdings International Limited ma le Facey Europe Ltd.
Sa fesootai atu foi iai mose faamatalaga.
