Masalomia o leoleo atu i tua na pisia ai pagota ole falepuipui i Tanumalala

SHARE NOW

Ua sao atu i totonu o le falepuipui i Tanumalala siama o le Koviti19.

I le tali mai a le sui Komesina o leoleo ma falepuipui, Auapaau Logotino Filipo, ina ua fesligia e le leitio Polenisia,

E oo mai ile Aso Lulu ua toa fitu alii ma tamaitai e toalua , ua faanofoesea ma o loo mataitua ai , i vaega o le falepuipui, o atofa mo faanofoesea o le kovit 19. 

E le gata i pagota ua pisia, ae e 22 foi le aufaigaluega, leoleo o le falepuipui ua aafia foi ile siama koviti, talu mai le aso Lua 5 Aperila, ma o loo faanofoesea ai foi latou i Tanumalala.

Ma e le’o mautinoa pe faapefea ona sao atu le siama i totonu, ona o loo tapunia atoa foi asiasiga talu ona fai loka o le koviti.

Peita’i e masalomia o le aso na taumafai ai pagota e sosola i tua, na toatele lava leoleo na oo atu i le falepuipui ma ono auala atu ai le siama i totonu.

O lea ua siama koviti pagota ole falepuipui, ae  ole vaiaso talu ain a saunoa ai le sui Komesina o vaaia le falepuipui, Leiataua Samuelu Afamsaga, ile tatou faatalanoaga, 89 pasene o pagota i totonu ua uma tui tali lua, o loo faatali o latou tui ta’i tolu, ae tagata fou lava ia e avatu e mana’omia ona faia o latou tui, ma ua ave foi le latou faataua i le faia o tui puipui koviti o tagata oi totonu o le lotoa.